ལེའུ་སོ་ལྔ་པ། གློ་ནད་བཅོས་པ།
དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །དོན་ལྔའི་བློན་པོ་གློ་ནད་གསོ་བ་ལ། །རྒྱུ་དང་དབྱེ་བ་རྟགས་དང་བཅོས་ཐབས་བཞི།།
རྒྱུ་ནི་རླུང་མཁྲིས་བད་ཀན་ཁྲག་དང་ཆུ། ། རུལ་སྐྱུར་ཟོ་མར་ཚྭ་དང་དུ་བ་དང༌། ཆམ་པ་འགྲམས་དང་དྲག་ཤུལ་རྣམས་ཀྱིས་བསྐྱེད།།
དབྱེ་བ་ཐང་པོ་སྐྱ་རྦབ་ཚ་བ་དང༌།
། ཆུ་ཤོར་ཐེས་པོ་གློ་གཅོང་གློ་རྒྱས་དང༌། ། བུང་ཚང་ཅན་དང་རྣམ་པ་བརྒྱད་དུ་བཤད།།
དེ་རྟགས་རླུང་གློ་ཐང་པོ་རྒྱུན་དུ་ལུ། ། འགོགས་དཀའ་ལྦུ་གསོག་དགོང་དང་ཐོ་རངས་མང༌། ། སྐྱ་རྦབ་གློ་མང་མིག་ལྕིབས་རྐང་བོལ་གཡོ། ། ཚ་བ་ཚ་སུབས་ཚ་གཟེར་གཉིས་སུ་དབྱེ། ། ཚ་སུབས་རྩ་ཆུ་ཚ་ལ་རོ་སྟོད་རྒྱངས། །ལུད་པ་ཚ་བྲོ་ལྦུ་ཆུང་མཁྲིས་པ་འོང༌། །སྟོན་དུས་དྲག་ཤུལ་དྲོད་བཅུད་ཤིན་ཏུ་གནོད། །གཉིས་པ་མཁྲིས་པས་གློ་ལ་ཚ་གཟེར་ཉལ་བ་མི་བདེ་དབུགས་ཀྱིས་ཐེག ། ལུད་པ་དམར་སེར་ལུ་ཞིང་སྐབས་སུ་གཟེར། ། ཆུ་ཤོར་ངལ་ཆུ་གློ་ལ་ཤོར་བ་སྟེ། །སྟོད་རྒྱངས་མགོ་ན་མིག་སྤྲིན་སེར་པོར་འོང༌། །དང་ག་མི་བདེ་གློ་མང་རྔམ་པས་ཐེག ། ཤ་སྐམ་རྔུལ་མེད་གཏམ་བར་མཚམས་བཅད་སྨྲ། །གཞུག་ཏུ་ལུད་པ་ཤ་སྐྱོ་གློ་ལས་འཛག ། ཐེས་པོ་ལུད་པ་་སྔོ་ལྗོབ་མང་དུ་ལུ། །གྱེན་ལ་དབུགས་ཐེག་རོ་སྟོད་ལྕི་ལ་ཁེངས། །ལུད་པ་ཐོན་རྗེས་ཅུང་ཟད་བདེ་སྙམ་བྱེད། ། གློ་གཅོང་ཤ་སྐེམ་ཤེད་ཆུང་འགུལ་མི་ནུས། །བྱི་ལའི་མགུལ་འདྲ་ཟས་སྨན་ཕན་སྐྱེད་ཆུང༌། ། གློ་རྒྱས་མིག་དམར་ལྕེ་མཆུ་མཁུར་ཚོས་སྨུག །སྐད་འཛེར་སྟོད་རྒྱངས་རྔམ་རྒོད་ལུད་པ་དམར། ། བུང་ཚང་ལུད་པ་ཤེ་རུལ་རྣག་ཏུ་འབྱུང༌། །ཡང་ན་སྔོན་པོ་ལྦུ་བ་ཅན་གསེབ་ཏུ། །ཉ་མིག་ལྟ་བུའི་རྣག་དང་འདྲེས་པར་ལུ། །སྤྱིར་ན་གློ་བ་བད་ཀན་ཡུལ་ཡིན་པས། །དབྱར་དུས་བདེ་ལ་དགུན་དུས་ན་བ་དང༌། །ཉིན་པར་བདེ་ལ་མཚན་མོ་ན་བ་ཡིན།།
དེ་རྣམས་བཅོས་ཐབས་རླུང་གློ་བསིལ་བཅུད་བསྟེན། ། མངར་གསུམ་ལྡེ་གུ་འབྲས་བུའི་སྨན་མར་སྦྱར། །གསོ་བ་དཀའ་ལ་བཞི་ལྔ་མེ་ཡིས་བསྲེག ། གློ་ནད་སྐྱ་རྦབ་སྟར་བུའི་ལྡེ་གུ་དང་།
། ཅུ་གང་ལྡེ་གུ་བྱ་རོག་ལྔ་པ་བསྲེག། ། ཚ་སུབས་ཙན་དན་བརྒྱད་དང་བཅུ་པ་དང༌། ། ཨ་ཀྲོང་སྟར་བུ་མར་གསར་ཤ་གསར་བསྟེན། ། ཚ་གཟེར་དེ་བཞིན་བཅོས་ཤིང་གཏར་བ་བཟང་། ། བཤལ་དང་ཆུ་ལྕག་ག་བུར་ཉི་ཤུ་རྩ་ལྔ་སྦྱར། །
ཆུ་ཤོར་ནད་ལ་ཤིང་མངར་ཡུང་བ་གཉིས།
།སྔོན་དུ་བཏང་ལ་དེ་རྗེས་གློ་སྐྱུགས་བྱ། ། ཤིང་མངར་འདམ་བུ་ཀ་ར་ལི་ག་དུར། །ཅུ་གང་གུར་ཀུམ་དོམ་མཁྲིས་ཙན་དན་རྣམས། ། ཀ་ར་སྦྱར་བ་བཙོད་ཀྱི་ཁུ་བས་དབུལ། །རྗེས་ལ་སྲོ་ལོ་ག་དུར་འདམ་བུ་
མཚལ། ། བཅད་འབྱོར་་གུར་ཀུམ་ཀ་ར་འོ་མས་དབུལ། །ཝ་ལ་སོགས་པའི་གློ་བ་སྣ་ཚོགས་བཏང༌། །
བད་ཀན་གློ་སྦུབས་ཞུགས་པའི་ཐེས་པོ་ལ། ། སྐྱུགས་ཀྱིས་ཕོ་བ་གློ་སྦུབས་བད་ཀན་སྦྱང༌། །སྟར་བུ་པཉྫས་ལུད་པ་གྱེན་དུ་དྲང།༌། རྗེས་ལ་མཱུ་ལ་ལྔའམ་ཅུ་གང་ངམ། ། པི་པི་ལིང་གི་ལྡེ་གུ་ བསྔགས་པ་ཡིན། ། ཤ་གསར་མར ་གསར་སྦྲང་རྩི་ལྡན་པ་བཏང༌། །ཐེས་པོ་ལ་སོགས་གློ་ནད་རླུང་ལྡན་གང༌། །བ་འོ་བཞོས་ཐོག་རླུང་དུས་བཏང་བར
བསྔགས། །
གློ་གཅོང་གློ་མིག་ལུད་པའི་གཅོང་འདྲིལ་བས། ། ཨ་ཀྲོང་ལུམས་སམ་སྨན་ཆུ་ཆུ་ལུམས་བསྟེན། ། དེ་ནས་སྟར་བུ་པཉྫས་གྱེན་དུ་དྲང༌། །ལུད་པ་སྐྱ་སྔོ་སྐམ་པོ་མང་ཐོན་འཚོ། ། མ་ཐོན་ལུམས་དང་འདྲེན་སྦྱོར་བསྐྱར་ལ་སྦྱང༌། །སྐབས་སུ་ཅུ་གང་ལྡེ་གུ་སྦྱར་བའམ། ། ཕྱེ་མ་བ་འོ་སྦྱར་བ་རེ་ལུག་གི ། གློ་བ་མ་སུངས་རྒྱངས་ཏེ་བཏང་བར་བྱ། །གླ་དགོ་བ་ཤ་གྲོ་ཆང་ཡོས་ཆང་
བསྟེན། །
གློ་རྒྱས་རྩེ་ཆུང་དྲུག་འགོ་མང་དུ་གཏར། ། ལུད་པ་དམར་ན་རྒྱ་སྐྱེགས་འབྲི་མོག་བཙོད། ། སྲོ་ལོ་དཀར་པོའི་བསྡུས་ཐང་ཡང་ཡང་བཏང༌། །ཙན་དན་བཅུ་གཅིག་ཕྱེ་མ་ཐང་དེས་དབུལ། ། རྗེས་ལ་གཏར་ཞིང་ཉི་ཤུ་རྩ་ལྔ་སྦྱར། ། ཅིས་ཀྱང་སྐྱེད་ཆུང་སྨུག་པོར་བྱེར་སྲིད་པས། །སྨུག་པོའི་ཁྲག་བཤལ་བཅོས་ཐབས་བསྔགས་པ་ཡིན། ། ཁྲག་ཏུ་བརྡོལ་ན་པུཥྤ་་ལྔ་སྦྱོར་རམ། ། ཀར་ཤ་པ་ཎི་ནི་མདོངས་ཐལ་ལྔ་སྦྱོར་བསྔགས། ། མང་དུ་གཏར་ཞིང་རོ་སྟོད་ཆུ་ཡིས་བྲན། །ཟས་སྐོམ་བསིལ་བསྟེན་སྤྱོད་ལས་དྲག་ཤུལ་
སྤང༌། །
བུང་ཚང་རྣག་ཉུང་བསྐམས་པས་སྐོམས་སམ་བལྟ།
།ཨ་ཀྲོང་བཅུ་པ་ཟངས་ཐལ་ སྦྱར་བ་དང༌། ། ཀླད་པའི་སྦྱོར་བ་རྣག་སྐེམས་གློ་གསོའི་མཆོག ། ཉི་ཤུ་རྩ་ལྔ་མན་ངག་ལྡན་པས་སྦྱར། ། རྣག་བུངས་ཆེ་འམ་བསྐམས་པས་མ་སྐོམས་ན། །སྟར་བུ་པཉྫ་་མན་ངག་ལྡན་པས་དྲང༌། ། རྣག་ཁྲག་འདྲེས་ན་ཤུ་མོ་ཟ་སྨན་མཆོག །ཅུ་གང་ཨ་ཀྲོང་ཀ་ར་ཨ་རུ་ར། །བོང་ཡར་འོ་སྦྱར་རེ་འུའི་གློ་བ་རྒྱངས། ། གློ་གསོ་ཁྲག་ཏུ་ལུ་ལ་བསྔགས་པ་ཡིན། ། ཝ་གློར་འོ་མར་སྦྱར་ཞོ་དེ་བཞིན་ཤེས།
། ཁྲག་མེད་རྣག་ཏུ་བྱུང་ན་སྦྱང་བ་མཆོག ། སྒོང་སྤྲིས་སྦལ་སྒོང་ལྟ་བུའི་རྣག་ཡུལ་འཐོན། །དེ་རྗེས་གློ་གསོ་ཁྲག་ཏུ་བྱུང་ན་བཅད། །རྣག་གཞུག་མ་ཐོན་ཟངས་ཐལ་སྦྱོར་བ་དང༌། །ཉི་ཤུ་རྩ་ལྔ་ལྟག་པ་སྤྲད་ལ་སྐམ། ། རླུང་དང་ལྡན་ན་སྲོ་ལོའི་སྨན་མར་སྦྱར། །གློ་མང་མི་འགོག་ཅུ་གང་བཞི་པ་བཅད། །ཅེས་གསུངས་སོ།། བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་ལས་གློ་ནད་བཅོས་པའི་ལེའུ་སྟེ་སོ་ལྔ་པའོ།། །།
No comments:
Post a Comment